පුංචි කැකුළිට..

වසන්තය අත වනන සරත් සෘතුවෙන් ඇරඹ

සීත හිම සුළං මග ඇවිත් හිරිගඩු පිපෙන

වසාගෙන දෙනෙත් තද කළුවරක දිවි ගෙවන

කැකුළියෙ පුංචි නුඹෙ සුවඳ ගැන දන්නවද..?

සිනිඳු පෙති මත දැවට සිහින් තෙලිතුඩක හද

ගෙනත් නෙක පාට හැඩ නු‍ඹෙ වතට ගැලපෙනම

සඟවගෙන හිරු රැසින් නිසා දිලිසෙන රුවට

කවුද කියන් දැමුවෙ ඒ තහංචිය හිතට..?

සුසුම් ළඟ දැවට වෙලා කඳුලක මිතුර

බලා අවටින් සිරිය තවත් පා නොහකුලගෙන

පිපෙන් නුඹ සිනහ වත තවත් එක් හදට නොව

සිනාසෙන වසන්තෙක ප්‍රාර්ථනා අහසකට..!!!